ഉപനിഷത്ത്‌ പഠനം
മുപ്പത്തിഒമ്പതാം ദിവസം
ഈശാവാസ്യം
മുപ്പത്തിഒമ്പതാം ദിവസം
ഈശാവാസ്യം
മന്ത്രം മൂന്ന്‌
``അസുര്യാ നാമ തേ ലോകാ അന്ധേന തമസാവൃതാഃ
താംസ്‌തേ പ്രേത്യാഭിഗച്ഛന്തി യേ കേ ചാത്മഹനോ ജനാഃ``
താംസ്‌തേ പ്രേത്യാഭിഗച്ഛന്തി യേ കേ ചാത്മഹനോ ജനാഃ``
അസുര്യാഃ നാമ=ആസുരീസമ്പത്തുവളര്‍ത്തി ജീവിക്കുന്നവര്‍ക്കായുള്ള; തേലോകാഃ=പ്രസിദ്ധങ്ങളായ ലോകങ്ങള്‍; അന്ധേനതമസാ=കൂരിരുട്ടുകൊണ്ട്‌; ആവൃതാഃ=നിറഞ്ഞവയായിനിലനില്‍ക്കുന്നു; യേകേച=ആരാരൊക്കെയാണോ; ആത്മഹനഃജനാഃ=ആത്മാവിനെ മൂടിമറയ്‌ക്കുന്ന ആളുകള്‍, തേപ്രേത്യ=അവര്‍ മനുഷ്യദേഹം വെടിഞ്ഞിവിടുന്നുയാത്രയായാല്‍; താന്‍ അഭിഗച്ഛന്തി=ആ ഇരുളടഞ്ഞ ലോകങ്ങളില്‍ എത്തിച്ചേരുന്നു.
``അസുര്യാ നാമ തേ ലോകാ അന്ധേന തമസാവൃതാഃ`` ആരാണ്‌ ഇവരൊക്കെ? ഇവരൊക്കെ അയ്യായിരം കൊല്ലങ്ങള്‍ക്കുമുമ്പ്‌ ജീവിച്ചിരുന്നവര്‍. ഇവരെ രാമനും കൃഷ്‌ണനും കൊന്നു. ശല്യമൊന്നുമില്ല എന്നു കരുതി ആരെങ്കിലും ഇരിക്കുകയാണെങ്കില്‍ തെറ്റി. പണ്ട്‌ ഇങ്ങനെ കുറച്ചാളുകളേ ഉണ്ടായിരുന്നുള്ളൂ. ഇപ്പോള്‍ അതിലും കൂടുതലാണ്‌. പണ്ടൊക്കെ ഇവരുടെ പേര്‌ പറഞ്ഞാല്‍ മനസ്സിലാവുമായിരുന്നു. ഇപ്പോള്‍ ദേവന്മാരുടെ പേരിലാണ്‌. അതുകൊണ്ടാണ്‌ ദേവാസുരന്‍ എന്നുപറയുന്നത്‌. അങ്ങനെയുള്ള പേരിലാണ്‌ നിലനില്‌ക്കുന്നത്‌.
അസുരന്‍ എന്നുപറഞ്ഞാല്‍ ``അസു പ്രാണേഷു ഇന്ദ്രിയേഷു രമന്തേ ഇതി അസുര്യാഃ`` ഇന്ദ്രിയങ്ങളിലും ഇന്ദ്രിയവിഷയങ്ങളിലും അതാണ്‌ അസു പ്രാണേഷു ഇന്ദ്രിയേഷു എന്നു പറഞ്ഞാല്‍. കണ്ണ്‌, മൂക്ക്‌, നാക്ക്‌, ത്വക്ക്‌, ചെവി, കൈ, കാല്‍, രണ്ട്‌ വിസര്‍ജ്ജനേന്ദ്രിയങ്ങള്‍, വാഗ്വിന്ദ്രിയം എന്നീ ഇന്ദ്രിയങ്ങളിലും, ശബ്‌ദ സ്‌പര്‍ശ രസ രൂപ ഗന്ധം ഇന്ദ്രിയവിഷയങ്ങളിലും ``രമന്തേ`` ആര്‍ രമിക്കുന്നുവോ, ഇതാണ്‌ ലോകമെന്നു കരുതി ഇതിനു വേണ്ടി മാത്രം ജീവിതത്തെ തിരഞ്ഞെടുത്ത, ഇതിനെ നേടുകയാണ്‌, ഇതിന്റെ പരിപാലനമാണ്‌, ഇതിന്റെ ഭോഗമാണ്‌ നമുക്കൊക്കെ വിധിച്ചിട്ടുള്ളതെന്ന്‌ ആര്‍ കരുതുന്നുവോ അവരെയെല്ലാം അസുരന്മാര്‍ എന്നുപറയുന്നു. അതുകൊണ്ടാണ്‌ അസുരന്മാരെ ചിത്രീകരിക്കുമ്പോള്‍ പത്ത്‌ തലയോടുകൂടി ചിത്രീകരിച്ചത്‌. വലിയ നാവ്‌, പല്ല്‌, മൂക്ക്‌ ഇതൊക്കെ ഇങ്ങനെ വലുത്‌ കാണിച്ചത്‌ ഇതിനു വേണ്ടി മാത്രം ജീവിക്കുമ്പോഴാണ്‌. ഗുരുദേവന്‍ പറഞ്ഞുവല്ലോ, ആത്മോപദേശശതകത്തില്‍, ``ഉണര ണമിന്നിയുറങ്ങണം ഭുജിച്ചീടണമശനം പുണരേണമെന്നിവണ്ണം'' അതുതന്നെ. ഉറങ്ങണം. പിന്നെയോ? ഉണരണം. എന്തിനാണ്‌ ഉണരുന്നത്‌. കഴിക്കാന്‍. വിശന്നിട്ട്‌ ഉണര്‍ന്നതാണ്‌. പിന്നെയോ? ഉറങ്ങണം. പിന്നെയോ? ഉണരണം. ഇതൊക്കെയുള്ളോ ജീവിതം? അതേ. ഇത്രയേയുള്ളൂ. അപ്പോള്‍ മൂപ്പര്‍ക്ക്‌ ഒരു പേരിടാമെങ്കില്‍ എന്തിടാം? അസുരന്‍ നമ്പര്‍ വണ്‍. അവരൊക്കെ അസുരന്മാരാണത്രെ. ഇതാണ്‌ ജീവിതം എന്ന്‌ ആരെങ്കിലും കരുതുന്നുവെങ്കില്‍ അതിനുവേണ്ടി ഓടിനടക്കുന്നതൊക്കെ ആസുരികമാണ്‌. അവരുടെ ലോകത്തെക്കുറിച്ച്‌ പറയുകയാണ്‌.
അസുരന്‍ എന്നുപറഞ്ഞാല്‍ ``അസു പ്രാണേഷു ഇന്ദ്രിയേഷു രമന്തേ ഇതി അസുര്യാഃ`` ഇന്ദ്രിയങ്ങളിലും ഇന്ദ്രിയവിഷയങ്ങളിലും അതാണ്‌ അസു പ്രാണേഷു ഇന്ദ്രിയേഷു എന്നു പറഞ്ഞാല്‍. കണ്ണ്‌, മൂക്ക്‌, നാക്ക്‌, ത്വക്ക്‌, ചെവി, കൈ, കാല്‍, രണ്ട്‌ വിസര്‍ജ്ജനേന്ദ്രിയങ്ങള്‍, വാഗ്വിന്ദ്രിയം എന്നീ ഇന്ദ്രിയങ്ങളിലും, ശബ്‌ദ സ്‌പര്‍ശ രസ രൂപ ഗന്ധം ഇന്ദ്രിയവിഷയങ്ങളിലും ``രമന്തേ`` ആര്‍ രമിക്കുന്നുവോ, ഇതാണ്‌ ലോകമെന്നു കരുതി ഇതിനു വേണ്ടി മാത്രം ജീവിതത്തെ തിരഞ്ഞെടുത്ത, ഇതിനെ നേടുകയാണ്‌, ഇതിന്റെ പരിപാലനമാണ്‌, ഇതിന്റെ ഭോഗമാണ്‌ നമുക്കൊക്കെ വിധിച്ചിട്ടുള്ളതെന്ന്‌ ആര്‍ കരുതുന്നുവോ അവരെയെല്ലാം അസുരന്മാര്‍ എന്നുപറയുന്നു. അതുകൊണ്ടാണ്‌ അസുരന്മാരെ ചിത്രീകരിക്കുമ്പോള്‍ പത്ത്‌ തലയോടുകൂടി ചിത്രീകരിച്ചത്‌. വലിയ നാവ്‌, പല്ല്‌, മൂക്ക്‌ ഇതൊക്കെ ഇങ്ങനെ വലുത്‌ കാണിച്ചത്‌ ഇതിനു വേണ്ടി മാത്രം ജീവിക്കുമ്പോഴാണ്‌. ഗുരുദേവന്‍ പറഞ്ഞുവല്ലോ, ആത്മോപദേശശതകത്തില്‍, ``ഉണര ണമിന്നിയുറങ്ങണം ഭുജിച്ചീടണമശനം പുണരേണമെന്നിവണ്ണം'' അതുതന്നെ. ഉറങ്ങണം. പിന്നെയോ? ഉണരണം. എന്തിനാണ്‌ ഉണരുന്നത്‌. കഴിക്കാന്‍. വിശന്നിട്ട്‌ ഉണര്‍ന്നതാണ്‌. പിന്നെയോ? ഉറങ്ങണം. പിന്നെയോ? ഉണരണം. ഇതൊക്കെയുള്ളോ ജീവിതം? അതേ. ഇത്രയേയുള്ളൂ. അപ്പോള്‍ മൂപ്പര്‍ക്ക്‌ ഒരു പേരിടാമെങ്കില്‍ എന്തിടാം? അസുരന്‍ നമ്പര്‍ വണ്‍. അവരൊക്കെ അസുരന്മാരാണത്രെ. ഇതാണ്‌ ജീവിതം എന്ന്‌ ആരെങ്കിലും കരുതുന്നുവെങ്കില്‍ അതിനുവേണ്ടി ഓടിനടക്കുന്നതൊക്കെ ആസുരികമാണ്‌. അവരുടെ ലോകത്തെക്കുറിച്ച്‌ പറയുകയാണ്‌.
(തുടരും.....)
No comments:
Post a Comment