ഉപനിഷത്ത്‌ പഠനം, തൊണ്ണൂറാം ദിവസം, ഈശാവാസ്യം
ഉപനിഷത്തില്‍ ഇതിന്‌ സമാനമായ ഒരു കഥ പറയുന്നുണ്ട്‌. വളരെ ദാരിദ്ര്യത്തിലുള്ള ഒരാളെ സ്വര്‍ഗ്ഗത്തിലേക്ക്‌ കൊണ്ടുപോകുന്നതാണ്‌. കുഗ്രാമത്തില്‍ ജീവിക്കുന്ന ഒരു പാവം മനുഷ്യന്‍. ആകെ ഒരു നേരമാണ്‌ കഞ്ഞികുടിക്കുന്നത്‌. പട്ടണത്തില്‍നിന്നും വന്ന ഒരാള്‍ ഇദ്ദേഹത്തിനോട്‌ ചോദിച്ചു. ``ബോംബെ
കണ്ടിട്ടുണ്ടോ?''. ``ഞാന്‍ എവിടേയും പോയിട്ടില്ല'' എന്ന്‌ മറ്റേയാള്‍ മറുപടി പറഞ്ഞു. പട്ടണത്തെക്കുറിച്ചുള്ള പലചോദ്യങ്ങളും പട്ടണവാസി ചോദിച്ചു. ഇല്ല എന്ന മറുപടി അയാളും പറഞ്ഞു. അവസാനം ഇയാളെ ബോംബെയിലേക്ക്‌ കൊണ്ടുപോയി ഫൈവ്‌സ്റ്റാര്‍ ഹോട്ടലില്‍ താമസിപ്പിച്ചു. ഇതുവരെ ഈ അനുഭവങ്ങളൊന്നും ഇല്ലാത്തയാള്‍ ഫൈവ്‌സ്റ്റാര്‍ ഹോട്ടലില്‍ പോയാലത്തെ അവസ്ഥ ഒന്ന്‌ ആലോചിച്ചുനോക്കൂ. ബാത്‌റൂം കണ്ടപ്പോഴേ അദ്ദേഹത്തിന്‌ സംശയമായി. കിടക്കാനുള്ളതാണോ ഇത്‌. കിടക്കാനുള്ള മുറി വേറെയുണ്ട്‌. അതില്‍ കിടക്കയുണ്ട്‌. വിരിയുണ്ട്‌. ചുരുക്കിപ്പറഞ്ഞാല്‍ അദ്ദേഹം അവിടെ ഒരാഴ്‌ച താമസിച്ചു. എട്ടാമത്തെ ദിവസം അയാളോട്‌ പറഞ്ഞു. ഇനി നമുക്ക്‌ ഗ്രാമത്തിലേക്ക്‌ പോകാം. അങ്ങനെ പഴയസ്ഥലത്ത്‌ വീണ്ടും താന്‍ പണ്ടത്തെ ആ കഞ്ഞി കുടിക്കുമ്പോള്‍ ടേസ്റ്റ്‌ `പോരാ' എന്ന്‌ പറയും. എന്താണ്‌ അതിന്‌ ടേസ്റ്റ്‌ വരാതിരിക്കാന്‍ കാരണം? ഈയൊരു അനുഭവം കിട്ടി. ഛെ. ഇതെന്ത്‌? അവിടുത്തെ ആ ഏഴുദിവസത്തെ ഉറക്കം എന്നുപറഞ്ഞാല്‍ വളരെ ഗംഭീരമായിട്ടുള്ള സംവിധാനക്രമങ്ങളാണ്‌. കൊതുകില്ല. സ്വിമ്മിംഗ്‌ പൂള്‍ ഉണ്ട്‌. ആ അനുഭവങ്ങളില്‍നിന്നൊക്കെ പെട്ടെന്നാണ്‌ താന്‍ ഇതിലേക്ക്‌ വീഴുന്നത്‌. ഇതേപോലെ നമ്മുടെ മനസ്സ്‌ തന്നെ നമ്മെ സംഘര്‍ഷത്തിലാക്കും. ചിലതൊക്കെ നമ്മുടെ തിരിഞ്ഞുനടപ്പില്‍ അങ്ങേയറ്റത്തെ അസ്വസ്ഥതകളുണ്ടാകും. അതുകൊണ്ട്‌ പുറംതിരിയരുത്‌ എന്ന്‌ ഉപനിഷത്ത്‌ നമ്മളെ ഓര്‍മ്മിപ്പിക്കുന്നു. ഇതിനെയാണ്‌ വിദ്യാമാര്‍ഗമെന്നും അവിദ്യാമാര്‍ഗമെന്നും പറഞ്ഞത്‌. രണ്ടും അവിദ്യയുടെ കൈവഴികള്‍ തന്നെയാണ്‌. മുന്നേറുംതോറും അവിദ്യ വിദ്യയായി തീരുന്നു. പുറകിലേക്ക്‌ ഉള്ളത്‌ അവിദ്യയാകുന്നു. രണ്ടും അവിദ്യ തന്നെ. ഇതിനെക്കുറിച്ച്‌ ഋഷി പറയുന്നു. ``അന്യദേവാഹുര്‍വിദ്യയാ അന്യദാഹുരവിദ്യയാ ഇതി ശുശ്രുമ ധീരാണാം യേ നസ്‌തദ്‌ വിചചക്ഷിരേ`` ഇതിനെക്കുറിച്ച്‌ ഞങ്ങള്‍ക്ക്‌ ഞങ്ങളുടെ പൂര്‍വ്വന്മാര്‍, ധീരന്മാരായ ഗുരുക്കന്മാര്‍ വ്യക്തമായി പറഞ്ഞുതന്നിട്ടുണ്ട്‌. എന്താണ്‌ അവര്‍ പറഞ്ഞിട്ടുള്ളത്‌? വിദ്യയെ ഉപാസിച്ചാലുള്ള ഫലം ഇന്നതാണ്‌ അവിദ്യയെ ഉപാസിച്ചാലുള്ള ഫലം ഇന്നതാണ്‌ എന്ന്‌ ഞങ്ങള്‍ക്ക്‌ ധീരന്മാര്‍ പറഞ്ഞിട്ടുണ്ട്‌. ധീരന്മാര്‍ എന്നാല്‍ വിഷയങ്ങളില്‍ നിന്ന്‌ ഇന്ദ്രിയങ്ങളെ നിവര്‍ത്തിച്ച ഞങ്ങളുടെ പൂര്‍വ്വാചാര്യന്മാര്‍ ഞങ്ങള്‍ക്കിത്‌ പറഞ്ഞുതന്നിട്ടുണ്ട്‌ എന്ന്‌ ശിഷ്യന്മാരോട്‌ പറഞ്ഞു.
കണ്ടിട്ടുണ്ടോ?''. ``ഞാന്‍ എവിടേയും പോയിട്ടില്ല'' എന്ന്‌ മറ്റേയാള്‍ മറുപടി പറഞ്ഞു. പട്ടണത്തെക്കുറിച്ചുള്ള പലചോദ്യങ്ങളും പട്ടണവാസി ചോദിച്ചു. ഇല്ല എന്ന മറുപടി അയാളും പറഞ്ഞു. അവസാനം ഇയാളെ ബോംബെയിലേക്ക്‌ കൊണ്ടുപോയി ഫൈവ്‌സ്റ്റാര്‍ ഹോട്ടലില്‍ താമസിപ്പിച്ചു. ഇതുവരെ ഈ അനുഭവങ്ങളൊന്നും ഇല്ലാത്തയാള്‍ ഫൈവ്‌സ്റ്റാര്‍ ഹോട്ടലില്‍ പോയാലത്തെ അവസ്ഥ ഒന്ന്‌ ആലോചിച്ചുനോക്കൂ. ബാത്‌റൂം കണ്ടപ്പോഴേ അദ്ദേഹത്തിന്‌ സംശയമായി. കിടക്കാനുള്ളതാണോ ഇത്‌. കിടക്കാനുള്ള മുറി വേറെയുണ്ട്‌. അതില്‍ കിടക്കയുണ്ട്‌. വിരിയുണ്ട്‌. ചുരുക്കിപ്പറഞ്ഞാല്‍ അദ്ദേഹം അവിടെ ഒരാഴ്‌ച താമസിച്ചു. എട്ടാമത്തെ ദിവസം അയാളോട്‌ പറഞ്ഞു. ഇനി നമുക്ക്‌ ഗ്രാമത്തിലേക്ക്‌ പോകാം. അങ്ങനെ പഴയസ്ഥലത്ത്‌ വീണ്ടും താന്‍ പണ്ടത്തെ ആ കഞ്ഞി കുടിക്കുമ്പോള്‍ ടേസ്റ്റ്‌ `പോരാ' എന്ന്‌ പറയും. എന്താണ്‌ അതിന്‌ ടേസ്റ്റ്‌ വരാതിരിക്കാന്‍ കാരണം? ഈയൊരു അനുഭവം കിട്ടി. ഛെ. ഇതെന്ത്‌? അവിടുത്തെ ആ ഏഴുദിവസത്തെ ഉറക്കം എന്നുപറഞ്ഞാല്‍ വളരെ ഗംഭീരമായിട്ടുള്ള സംവിധാനക്രമങ്ങളാണ്‌. കൊതുകില്ല. സ്വിമ്മിംഗ്‌ പൂള്‍ ഉണ്ട്‌. ആ അനുഭവങ്ങളില്‍നിന്നൊക്കെ പെട്ടെന്നാണ്‌ താന്‍ ഇതിലേക്ക്‌ വീഴുന്നത്‌. ഇതേപോലെ നമ്മുടെ മനസ്സ്‌ തന്നെ നമ്മെ സംഘര്‍ഷത്തിലാക്കും. ചിലതൊക്കെ നമ്മുടെ തിരിഞ്ഞുനടപ്പില്‍ അങ്ങേയറ്റത്തെ അസ്വസ്ഥതകളുണ്ടാകും. അതുകൊണ്ട്‌ പുറംതിരിയരുത്‌ എന്ന്‌ ഉപനിഷത്ത്‌ നമ്മളെ ഓര്‍മ്മിപ്പിക്കുന്നു. ഇതിനെയാണ്‌ വിദ്യാമാര്‍ഗമെന്നും അവിദ്യാമാര്‍ഗമെന്നും പറഞ്ഞത്‌. രണ്ടും അവിദ്യയുടെ കൈവഴികള്‍ തന്നെയാണ്‌. മുന്നേറുംതോറും അവിദ്യ വിദ്യയായി തീരുന്നു. പുറകിലേക്ക്‌ ഉള്ളത്‌ അവിദ്യയാകുന്നു. രണ്ടും അവിദ്യ തന്നെ. ഇതിനെക്കുറിച്ച്‌ ഋഷി പറയുന്നു. ``അന്യദേവാഹുര്‍വിദ്യയാ അന്യദാഹുരവിദ്യയാ ഇതി ശുശ്രുമ ധീരാണാം യേ നസ്‌തദ്‌ വിചചക്ഷിരേ`` ഇതിനെക്കുറിച്ച്‌ ഞങ്ങള്‍ക്ക്‌ ഞങ്ങളുടെ പൂര്‍വ്വന്മാര്‍, ധീരന്മാരായ ഗുരുക്കന്മാര്‍ വ്യക്തമായി പറഞ്ഞുതന്നിട്ടുണ്ട്‌. എന്താണ്‌ അവര്‍ പറഞ്ഞിട്ടുള്ളത്‌? വിദ്യയെ ഉപാസിച്ചാലുള്ള ഫലം ഇന്നതാണ്‌ അവിദ്യയെ ഉപാസിച്ചാലുള്ള ഫലം ഇന്നതാണ്‌ എന്ന്‌ ഞങ്ങള്‍ക്ക്‌ ധീരന്മാര്‍ പറഞ്ഞിട്ടുണ്ട്‌. ധീരന്മാര്‍ എന്നാല്‍ വിഷയങ്ങളില്‍ നിന്ന്‌ ഇന്ദ്രിയങ്ങളെ നിവര്‍ത്തിച്ച ഞങ്ങളുടെ പൂര്‍വ്വാചാര്യന്മാര്‍ ഞങ്ങള്‍ക്കിത്‌ പറഞ്ഞുതന്നിട്ടുണ്ട്‌ എന്ന്‌ ശിഷ്യന്മാരോട്‌ പറഞ്ഞു.
(തുടരും....)
No comments:
Post a Comment