ശ്രീമദ് ഭഗവദ് ഗീതാ പഠനം

ശ്രീമദ് ഭഗവദ്ഗീത-അദ്ധ്യായം-18 മോക്ഷ സംന്യാസയോഗം-
ശ്ളോകം-26

മുക്തസംഗോ f നഹംവാദീ
ധൃത്യുത്സാഹസമന്വിതഃ
സിദ്ധ്യസിദ്ധ്യോര്‍നിര്‍വ്വികാരഃ
കര്‍ത്താ സാത്ത്വിക ഉച്യതേ

ആസക്തിയില്‍നിന്നും കെട്ടുപാടുകളില്‍നിന്നും മുക്തനായി, അഹങ്കാരമില്ലാതെ, പ്രതിജ്ഞാബദ്ധമായ ഉത്സാഹത്തോടെ, ജയമോ തോല്‍വിയോ എന്തു വന്നാലും വികാരപ്പെടാതെ, കര്‍മം ചെയ്യുന്നവന്‍ സാത്വികനത്രെ.

വാസനകളാണ് കര്‍ത്താവിന് പ്രേരണകള്‍. പക്ഷേ, ഈ വാസനകളെ മാറ്റിത്തീര്‍ക്കാന്‍ കര്‍ത്താവിന് കഴിയും. ആ മാറ്റം വരുത്താന്‍ അതിനായുള്ള വാസനയുടെ ഒരു ചെറിയ വേരെങ്കിലും വേണമെന്നു മാത്രം. ഇത് അഥവാ, ജന്മനാ ഇല്ലെങ്കിലും ദൈവാധീനംകൊണ്ടും ഗുരുകൃപകൊണ്ടും ഉണ്ടായിക്കിട്ടാം. ജ്ഞാനകര്‍മങ്ങള്‍ കര്‍ത്താവിനെ ഭേദപ്പെടുത്തുന്നു. കര്‍ത്താവ് ദേഹജീവിതകാലത്ത് ജ്ഞാനകര്‍മങ്ങളെ തിരികെ ഭേദപ്പെടുത്തുകയും ചെയ്യുന്നു.

(തുടരും)